Námskeið og fyrirlestrar
Skilvirk býður eftirfarandi fyrirlestra og námskeið á fagsviði sínu. Auk þess geta vinnustaðir/starfsmannahópar óskað eftir klæðskerasniðnum fyrirlestrum eða þjálfun.
Hægt er að skrá sig á námskeið og finna frekari upplýsingar um hvert og eitt þeirra með því að smella á viðeigandi hlekk hér að neðan. Vinnustaðir geta haft samband ef áhugi er á námskeiði fyrir starfsmannahópa. Hægt er að senda fyrirspurn í skilaboðaforminu hér neðst á síðunni, í netspjallinu eða á netfangið info@skilvirk.is.
Flugfælninámskeið
Þjáist þú af flugfælni? Er tilhugsunin um flugferðina að eyðileggja fyrir þér ánægjuna af því að ferðast?
Viltu losa um undirliggjandi orsakir flughræðslunnar og eignast öflug verkfæri til þess að fljúga áhyggjulaust?
Við bjóðum upp á heildstætt námskeið fyrir alla þá sem vilja takast á við flugfælni og öðlast aukið sjálfsöryggi við að ferðast með flugi. Öflugur hópur reynslumikilla sérfræðinga leiða fræðsluna.
Egill Ásgeirsson, flugstjóri hjá Icelandair, fer yfir öll helstu atriði er snúa að tæknilegum hluta flugsins og flugöryggi.
Garðar Jónsson, M.Sc. í jákvæðri sálfræði, fer yfir markvissar leiðir til að vinna með hugarfar með aðferðum jákvæðrar sálfræði.
Álfheiður Eva Óladóttir, BA í sálfræði og klínískur dáleiðari (Certified Hypnotherapist), kennir aðferðir sjálfsdáleiðslu fyrir streitustjórnun og sjálfsstyrkingu.
Allir þátttakendur fá einkatíma í dáleiðslumeðferð þar sem öflugum verkfærum er beitt til að losa um undirliggjandi orsakir flughræðslunnar með það að markmiði að hún heyri sögunni til. Dáleiðslumeðferð er góður valkostur fyrir marga til að takast á við flugfælni.
Fyrirlestur um jákvæða sálfræði á vinnustöðum
Fyrirlestur fyrir vinnustaðinn í heild eða vinnustaðahópa
Fjallar um hversu mikilvægt það er að efla vellíðan á vinnustöðum, hvaða verkfæri hægt er að nota í þessum tilgangi og kynnt hvað einstaklingurinn sjálfur getur gert til að efla vellíðan sína.
Fyrir stjórnendur vinnustaða
Fjallar um þau verkfæri innan jákvæðrar sálfræði sem stjórnendur geta nýtt til að efla vellíðan starfsfólksins. Rannsóknir hafa sýnt að stjórnendur geta auðveldlega náð árangri á þessu sviði með viðeigandi verkfærum. Hér er um kynningu að ræða fyrir stjórnendur en mikilvægt er að innleiðing þessara aðferða byggist á sérhæfðri ráðgjöf og klæðskerasniðinni þjálfun.
ISO 9001:2015 Gæðastjórnunarstaðallinn
Á námskeiðinu er farið yfir kröfur gæðastjórnunarstaðalsins í hverjum þætti fyrir sig og lýst hvernig þeim megi mæta. Auk þess er kynnt hvernig best skuli staðið að undirbúningi innleiðingar, svo sem kynningu meðal starfsmanna, og þjálfun þeirra svo innleiðingin skili árangri.
Innri úttektir -
ISO 9001:2015
Á námskeiðinu er farið yfir kröfur gæðastjórnunarstaðalsins ISO 9001:2015 og kennt með hvaða hætti rétt væri að haga undirbúningi, framkvæmd og lok innri úttekta á þeim staðli. Kennd er aðferðafræði innri úttekta í samræmi við viðurkenndar aðferðir samkvæmt staðli ISO 19011 um innri úttektir.
Gerð viðskiptaáætlana
Námskrá væntanleg á vorönn.
Excel
Námskrá væntanleg á vorönn.
Viðskiptaþjónusta
Námskrá væntanleg á vorönn.
